კომპანია"ოთხი სტიქია" წარმოადგენს განვითარებაზე ორიენტირებულ მუდმივად მზარდი ტიპის მრავალპროფილიან კომპანიას. იგი დაფუძნდა 2005 წელს და დაარსების დღიდანვე თავისი საქმიანობა განავითარა ოთხი ძირითადი მიმართულებით: გათბობა, ვენტილაცია, წყალმომარაგება და სერვისი. კომპანიამ მოკლე პერიოდში შეძლო ქართულ ბაზარზე წამყვანი ფირმის სახელის დამკვიდრება და დღემდე რჩება ბაზრის ლიდერად, როგორც გათბობის, ვენტილაციისა და წყალმომარაგების სისტემების ექსკლუზიური მომწოდებელი. "ოთხი სტიქიის" კლიენტები არიან, როგორც ფიზიკური პირები, ასევე კორპორატიული კლიენტები. კომპანიამ საქმიანობის საწყის ეტაპზევე ჩამოაყალიბა თავისი საქმიანობის პრინციპები და დღემდე რჩება ამ პრინციპების ერთგული, ესენია: პროფესიონალიზმი, პასუხისმგებლობა და საქმის ერთგულება. კომპანია"ოთხი სტიქიის" პარტნიორებს შორის არიან გათბობის, კონდიცირების, ვენტილაციისა და წყალმომარაგების მოწყობილობის მწარმოებელი ისეთი მსოფლიოში ცნობილი ლიდერები როგორებიცაა: Bosch (გერმანია) - გათბობის სისტემების წყალგამაცხელებელი კედლის ქვაბი, ჩილერები და ფანკოილები Erensan (თურქეთი) - გათბობის სისტემების მძლავრი სტაციონალური წყალგამაცხელებელი ქვაბი Mastas (თურქეთი) - ფოლადის, პანელური რადიატორები Siragroup (იტალია) - ალუმინის, სექციური რადიატორები Nema-Reflex (გერმანია-თურქეთი) - საფართოებელი ავზები Helios (გერმანია) - მინი-ვენტილატორები, სახლის ვენტილაცია, რეკუპერატორები, ღერძული ვენტილატორები, არხიანი ვენტილატორები, სწორკუთხოვანი ვენტილატორები, ფილტრები, კალორიფერები, სახურავის ვენტილატორები, კონტროლერები Pamsan (თურქეთი) - საჰაერო გისოსები და დიფუზორები, ხმაურმშთანთქმელები LG (კორეა) - სპლიტ-სისტემები, მულტი სპლიტ-სისტემები, ჩილერები, რეკუპერაციული ვენტილაციის სისტემები Harier (ჩინეთი) - კონდიცირების სისტემები Grundfos (თურქეთი) - მილები ცხელი და ცივი წყლისათვის, ფიტინგები, საკანალიზაციო მილები, გოფრირებული საკანალიზაციო მილები, პოლიეთილენის მილები Dizayn (თურქეთი) - ბალანსირების სარქველები, ჰაერსარინები, დისკური საბრუნი ჩამკეტები, საკეტები, ჩამკეტი სარქველები, კომპენსატორები, შებრუნებული სარქველები, ონკანები, სრულგასავლიანი ბურთისებრი ონკანები, დამცავი სარქველები. Kodsan (თურქეთი) - მოცულობითი თბოგამცვლელები და ავზი აკუმულატორები ჩვენ ვმუშაობთ მხოლოდ იმ მომწოდებლებთან, რომელთა პროდუქცია სრულად შეესაბამება ევროპულ სტანდარტებს და ადაპტირებულია საქართველოში ექსპლუატაციისათვის. კომპანიის მისია მდგომარეობს იმაში, რომ მისაღებ ფასად საუკეთესო მოწყობილობის შეთავაზებით უზრუნველყოს დამკვეთის მაქსიმალური კმაყოფილება. თქვენ დარწმუნებულნი უნდა იყოთ იმაში, რომ მოწოდებული პროდუქცია იქნება ეკონომიური როგორც შესყიდვის, ისე მისი ექსპლუატაციის დროს და გემსახურებათ თქვენ მრავალი წლის განმავლობაში. ჩვენთან შეძენილ ყველა მოწყობილობაზე მოქმედებს 24-საათიანი საგარანტიო და პოსტსაგარანტიო ტექმომსახურება, რომელსაც ახორციელებს ჩვენი პარტნიორი კომპანია 24-7service.ge "ოთხი სტიქიის" წარმატების მიზეზი მდგომარეობს მწარმოებლებთან და კლიენტებთან მჭიდრო პარტნიორული ურთიერთობის დამყარებაში. კომპანია წარმოდგენილია ფართო ქსელით საქართველოს სხვადასხვა რეგიონებში, კერძოდ თელავში, რუსთავში, ზუგდიდში, ბათუმში, ქუთაისში, ფოთსა და გორში.